Forum Créole !


Re: Tyinbo larg pa!!
De :
Email :
Pays :
Date : 30 Jun 2006


fasil po dir, malizé po fér, konm ou di ou minm.

mé nou koz nou koz mé toulbon kwé nou fé, apark kozé? mi akiz pa pérsone mwin-la, tansyon.

mèt zis lo kér ansanm, napwin asé, i fo mèt la min, mésoman mèt po toulbon.

alors, koman rorganiz anou po mont in lantant koudmin, in lantant an fra.

fo pa obliyé, na désértin i lit po viv, plis ki lit kont la mor.

aprésa, na sak néna tousak i fo dann zot min, dann zot kaz, mésoman lé mizér dann kér, koman nou done la min domoun konma? apark in zorèy nou kab doné po akouté sak lo kér i di?? kisa i done inpé son tan po sa, aprésa shakinn na son traka, son vi po améné ti pa ti pa dann somin-la.

konmkidiré in baba maloya, in papa maloya, anon tir la shèz dobouté po nou shaviré


www.creole.org