Forum Créole !


Re: Re: sov nout kiltir rénioné...
De : Dyanpar
Email :
Pays : La Rényon
Date : 25 May 2006


Mi pran pa parti po pérsone, mé lo mélanz konm ou di, lé pa inn répons.

Kan nou agard Listwar nout péi dopi son komansman ziska zordi, lo mélanz lo métisaz, lo batarsité, kri ali konm zot i vé, la pa sanz riyin, somanké minm té inn féblès plis k'inn fors, alork i dovré èt lo kontrér. (popilasyon té mélanzé la mètanplas lo Kod Nwar, bann zèsklav téi fé komandér dann bitasyon, zèsklav téi tyé zot fra maron)

pokwé tousala?? pars Listwar nout péi lé Blan, mi sa pa fé in lamontraz, mé bon. tout bann non-n shomin, non lékol, la plipar sé bann non groblan, non domoun la mètanplas lèsklavaz la Rényon (De La Haye, Colbert, Desbassyns, Compagnie des Indes), lé normal sa? tout bann vil riyink bann non bann Sin, lé normal sa? téi vé sanz lo non Plinn dé kaf (lo non Kaf tro vilin po misyé lo mér Tanpon), lé normal sa? Sinn-ni la tir lo mo "nwar" si in non-n shomin, lé normal sa?? dan la lang rényoné, tousak lé nwar lé mové, sak lé blan lé bon. kisa i di pa lé blan mé lé vilin, lé nwar mé lé zanti, zordi ankor nou antann sa. nou vé nou vé pa, mélanzé pa mélanzé konm zot i vé, nou n'ankor in gro travay po fér.

mi krwa i fo pa war, lo blan konm in moun kan nou koz konma, mé dann limazinér rényoné é parèy po lo nwar (bébèt = malgash, komor, malbar)

aprésa sé pa inn kèstyon èt Fyér èt rényoné, sé sirtou pa awar ont èt rényoné, arèt mèt nout lang annsou lo fransé, arèt mèt nout kiltir konm inn sou kiltir.

nartrouvé.




www.creole.org