Forum Créole !


Re: messaz pou dyanpar...
De :
Email :
Pays :
Date : 28 Aug 2005


mérsi i fé plézir amwin.

APR kosa i vé dir. alors kan mi koz toulézour si intérnèt ou koné ou ansérv bann mo èspésyal LOL MDR ASV ékonsor, alors in zour mi di langlé na LOL, fransé na MDR sénégalé si mi tronp pa na Kyé alors mi di in kou anou kwé nou néna? riyin. é konm mi vé mon lang i viv épi po-k in lang i viv i fo li bouz lé konm in moun sa ou wa?

alors sa lé konm in flér kan ou na la somans dan out min si out plant pa li krèv, li flétri, mwin mi vé pa mon lang i flétri okontrér mi vé li fléri zoli zoli minm an bèl touf, po kado ali marmay, po-k pyé flér-la i anfléri dann somin domin,

alors mwin la sèy plant in mo, ou pito in lèsprésyon dann langaz intérnèt. ma réflési in kou dan mon tèt, ma di kwé nou kréol rényoné nou di kan nou rir, toutswit ma trouvé : "mwin lé atér po rir", ala li la mwin la trouvé Atér Po Rir; mésoman lé konm tout zafér si domoun i plant pa pyé flér-la li va krévé. alors mi kont si nou Kréol po fé pous sa Atér Po Rir ou wa?

Kisa la di lang kréol, in vyé lang po gramoun, gramoun koméla lé bandé sa APR

bon mi koz inta, mi èspér mwin té pa tro long.

Bon astér mi di zot tout nartrouvé

si ni artrouv pa na ékrir, sinonsa na téléfoné.

Dyanpar



www.creole.org