Forum Créole !


Re: Re: Bann kivi kisa i lé?
De : Dyanpar
Email :
Pays : Larényon
Date : 19 Jun 2005


koman i lé Chantal?

pa bézwin èskiz aou out lékritir kréol lé pa bon.

daborinn parské aprésa va dépann out manir war pars mi pans ou koné po linstan i koné pa kèl kréol i fo ékri.

ou nana sak lé plis ké fransé i vé ékrir kréol an fransé pars i di konma kréol i sort lo fransé. lo fransé i vyin byin d-lo latin lo grèk pa po otan mi sa ékrir ali an grèk.

aprésa, si ou la pa aprann ou giny pa ékrir, lé normal lé konm in moun i aprann pa fransé li giny pa ékrir, li va ésèy fyoné konm li konpran.

osi po bann maron lé vré kan mi lir bann liv mi dmann amwin si lé vré si navé tousala isi larényon. lé métan.

tout lé fé po aprop nout listwar. ziska in bout tan la di nout tout, nout rasine lé fransé. Dann liv lékol bann zansèt afrikin maligas sé-d "indigènes" mésoman bann kolon lété bann "francais" koman ou vé lo marmay la pa ont.

Défin Luc Donat té i di konma maloya sé in mizik sovaz, nabé bann milité plasé téi di konma maloya sé inn "sous culture". lo rényoné i vé pi konèt kisa li lé.
li napi d-rasine.

i mèt anou an soumisyon alork na d-boug isi la débat po la libérté.

mwin va mèt bann gatir bann dokiman po sak i vé konèt kisa i lé bann zèsklav la parti maron.

nartrouvé


www.creole.org