Forum Créole !


Danyèl Waro : Maloya
De : dyanpar
Email :
Pays : Larényon
Date : 9 Jun 2005


Doudoup doudoup dann kèr nout vyé zansèt
konm an sabouk dann do kaf i pèt
kisik kisik pay kann kwin zorèy
malbar maloubarèz désou la sann i brèz
romans boulan i gonn ansanm batarsiré
servis maligas i ronn lansan dann kabaré

maloya la gatir lo kor lo kèr lo san
lafrik lérop èk Linn Lazi sanm loséan
maloya garnitir koktèl zardin groblan
dann fon laba transpir pat zonn tiblan.

té koktèl molotov po militan
bébèt la dinité po sobat dann fénwar

parla zané swasant
misyé préfé la Frans
po aprop nout listwar
té vé pa domoun i sant
maloya pèp, lam i trans
maloya mour karès i dans

kaz Firmin kaz Baba kaz Lorwa
singay sapèl mizèr dann bal tamoul i poulér
lélé osi dann ta épi Tifrèr.

fanm banna, maloya
dann zané swasanndis
bann parti kominis
i fane ali partou dann kér zanfan péi
li ardobout andyab, li arpran favér
po li arni Lamour
po li arni Bondyé
po li arni in Moun
po désyèk-désyèk
po nout léternité.


www.creole.org