Forum Créole !

Danyèl Waro : Banm kalou banm
De : dyanpar
Email :
Pays : larényon
Date : 9 Jun 2005



BANM KALOU BANM

Danyel Waro ( 1978 )

I di aou anlèr dann milié la mèr
Twé navé gro blan si bato lontan
I di aou dann fon sou bato lontan
Twé navé bann nwar, té konm zanimo
Zot té i vir par isi
Zot té i biny dann san
Zot té i vir par la
Néna loséan

Banm kalou banm (bis)

Vyé granmoun i di dann tan komandèr
Twé navé boug nwar
Té i tyé zot frèr
Aforstan soufèr la prann la kolèr
Koulèr flanbwayan
Kan sa lé an flèr
Lo san la kayé dési nout pasé
Boubou la pousé la pokor pété

Banm kalou banm (bis)

Zot i wa zordi ni désot la mèr
Po nou rod in travay
Wi nou lé somèr
Zot i wa talèr mi sa pran laviyon
Po kit mon péi i apèl la Rényon
Zémigé zordi lésklavaz lontan
Pari lé zoli
Nou na pi zinnzan .

Vronm kalou vronm (bis)

Komandèr zordi pi parèy lontan
Sabouk koméla zot i roul langaz
Zot i giny larzan, po byin koz fransé
In morso kréol la pi kab tiré
Koté zot n'in pèp, la po rod kriyé
I sa pa lékol i sava maron

Banm kalou banm (banm kalou banm)


www.creole.org