Forum Créole !


Zistwar la Rényon lo 18 zyin
De : Maronèr
Email :
Pays : LaRényon
Date : 8 Jun 2005


Mwin la entendi dir ke Samdi 18 zyin 8èr d’swar dann lékol la mizik Sin Zozèf, nora 7 rakontèr zistwar la Rényon. Soré bien si inn i pé konfirmé lo swaré.

Sinon mwin la trouv dé sanson

NA DEFOI

Na défwa mwin lé anvi èt in zépi maî
Dann la min in plantèr
Mwin nar te kontan di ali
Do ri lé tro sèr manz amoin vomié

Na défwa mwin lé anvi èt in sinp ti fèy tol
Dann kèr Sénian la
Po di ti fanm la
Plèr pa moin lé la

Na défwa mwin lé anvi èt in sinp ti kayanm
Fanm-la la po koud
Po marmay lékol
In sinp ti kayanm

Na défwa osi mwin lé anvi èt in pié fouzèr
Ek in grin la sab
Dann fon la rivièr
Po fé in fion
Sanm toué la Rényon

Mé aswar sad mwin lé anvi èt
Sad mon kér i plèr
T'in mti pé lékim do lo
Po digdig out pié
T'in mti ponyé la briz dann pié filao
Po fane out sévé
La pokor pinyé.



FANM ! FANM !

Fanm ! Fanm ! Mwin nasé
Mwin, nasé tap aou
Ek mon doulèr plinn rak
Ek mon mizèr grinn zak
Fanm ! Mwin nasé kraz aou
Ek "tir mon manzé"
Ek mon "aswar mi vé"
Fanm ! Mwin nasé tir mièl vèr
Kan zabèy lé amer.

Fanm ! Mwin nasé gonf aou
Ek mon kabo la ponp vélo
Ek tout somaz mwin la fine bwar
Mon dous la frédi, lé nwar
Mwin nasé fé lo van
La pli, lo botan
Fanm ! Oté fanm kalou !
Fanm ! Ou la pa rou !

Fanm ! Nout dé ou nasé
Oir ti zanfan tann
Vomi mon kolèr zis kan li éné
Dann tété lo klèr na poin do lé
Fanm ! Non nasé antann
Lo vant sa kriyé
Lo zié sa koulé
Fanm ! Mi sava koup kann
Met manzé o fé
Donn manzé koson.

Fanm La Rényon !
Koman nou va fé
Ton révolisyon.





www.creole.org