Forum Créole !


Danyèl Waro : Foutan fonnkér
De : Dyanpar
Email :
Pays : Larényon
Date : 8 Jun 2005


Foutan fonnkér

Mwin mi di vi désanm la pokor
Lérk in fanm pl zonm
Zis dann pomé son kor
Koman bann kaf lankan
Ni tat panga tamann
Tir lanpa gèt maswar
kabo sabouk pouvwar
i pé fyak an dovèr
po nou konfès na liyéfèr.

kifouti vin désanm lér nankor
gropapa gromonmon
porézon lé batar
ti baba zit i nyor
kinm in gaté baya!
I di pokwé Rwanda
Demon krwasi foutor
Laproptaz kontnasyon
Serbi Yougoslamor.

Mwin mi di vin désanm lé an roklor
Lérk in rak dann in kor
Po souyonn mon fanmté
Mon balo dann lalé
Zazakèl po kapkap
Dann in kwin kokiyé
In makrotaz léta
Ou giny pa lir papa
« labi dalkol é danzéré ».

Mwin mi di vin désanm la po mor
Lérk in moun son kozé
Komam gatir la ront
Son téi, kozanzé,
Li profér fé la pyont
Anval déor bouré
Koz dési pa kozé
An SRECEC la po tinn
An sésrès nout kozé .

Mwin mi di vin désanm lé anfoutan
Kank ravine la, la dsann
Sof onzér sof aswar
In moun in loto
Kouyonis lizolwar
lo syin dann in rozwar
légalité déor
la tinèl lantonwar
mon péi boutéyé.

Mwin mi di vin désanm frerkwé
Si ni aspèr soman
Lodèr koson griyé
Po lansyin mér foutan
sanm lo kar par paké
po saroy nout vyé grès
lasistans rémi sés
po nou kraz maloya
Sardagargaté.

Mwin mi vin désanm mon boyo
Lérk in mér i donn kado
Po li touf in fonnkér
Rant nout dé mon monmon
Batay fanm la Méri
Bézman livrédfami
Amwin zanfan mizér
Kinm in désin an flèr
Mwin nar kado mon kér.

Mwin mi di vin désanm sar sové
Kank na dérak nout kér
Kank na déblak la tér
po arpran nout lavnir
dann la min Misyé Blan
dann la min papa mér
donn pa nou libérté
anon ras par nou minm
amwin la vi mi yinm
lé dann la min lamour.




www.creole.org