Forum Créole !


lang fransé lang kréol
De :
Email :
Pays :
Date : 26 May 2005


akoz i mèt ranpar rant fransé èk kréol. i di aou kréol lé pa in lang t'in patwa.
pars lé in fransé déformé par la bous bann moun té giny koz pa li.
bann-na va trouv aou in tralé zèsplikasyon, in takon zèskiz
va dir osi konma "intérnasyonalizasyon" lé pa kréol. nout lang i fo li rès dann park bèf ,park koson ,po pas balyé dan la kaz, koup kann.

kan la lang fransé té an mankman-n mo ousa li la parti rodé i falé li té rod nouvo mo kan li lavé bézwin.

donk in moun i di amwin konma intérnasyonalizasyon lé pa kréol lé fransé si lé konma nou fé po tout lang parèy.

si nou napwin lo drwa ansérv bann mo fransé kan nou la bézwin anon tir bann mo lé pa fransé dan la lang fransé. kwé lé "fransé"?

lo fransé ali osi lé in dérivé d-latin, in latin déformé, pwatan sé inn lang.

alor zèskiz dé fran i pran pa

nou na la sans aprann dé lang, koz dé lang sa in zarlor sa pa in ranpar. lé dé i giny mars dan la min.




www.creole.org