Forum Créole !


Re: Re: Re: Re: le favoritisme lé present dan nout péi
De : Dyanpar
Email :
Pays : Larényon
Date : 3 May 2005


alor ou wa ankor nou arvyin ankor inn fwa si lèsklavaz, nora bo dir sa lé fini zordi nout tout nou pa plis inn ké lot. lé vré si l'papyé mé dan nout tèt lé pa konma. Amwin mwin lé plis intérésé èk la lang kréol mi wa byin sa dan la lang
va di aou konma
I giny byin kozé = koz fransé
koz an kaf koz an nwar = i giny pa kozé/i koz kréol

pa bézwin rod konpliké Isi kisa té lo kolonizatér ? la Frans kisa té lo kolonizé lo zèsklav lo zangazé an gro lo rényoné apark détrwa valé (sétadir bann gro kolon) la Frans. kisa té bon kisa té mové ? Kèl bondyé nou pri plis larényon? la pa Zanar, mi krwa pa

Donk la Frans po li lé pa malizé ditou li na tout dan son min po bour la tèt son bann kolonizé légliz lékol la télé la radyo la politik, èk sa li fé rant kout mas son manir war. rényoné sé so moun-la in moun la ont sak li lé. ariv dovan in zorèy li va pérd son fors défwa, ba wi zorèy i giny kozé ali li giny pa kozé. Tansyon la pa zorèy lotér. na in mové lanbyans isi rényoné i biny konm di maronér dann basin losal manir war kolonyal. sa i donn anou la maladi

Nartrouvé



www.creole.org