Forum Créole !


Re: Re: Re: le favoritisme lé present dan nout péi
De : Dyanpar
Email :
Pays : Larényon
Date : 2 May 2005


Lot kou nou lavé fé in sobatkoz si lo rasis larényon.
In fanm lavé kozé si in not kalité bordaz. Kan dan in fami na inn i giny in "bon" (kwé i lé bon) plas travay li vé pi konèt son fami son bann dalon.
li bord son lantouraz akoz i giny RMI akoz lé pa dan la bourzwazi.
isi larényon lo pouvwar dann komansman la rod diviz anou ziska dérnyé tan-la. Sa zordi i mine anou, isi na tout kalité domoun somansa na in pé i yinm pa in pé akoz son koulér son travay son sési son séla.

konm mwin la èsplik aou isi larényon soman pa riyink isi bann domoun té tyé zot frér. I fo nou na in lidantité lé for la pa pér riyin. po linstan sé pa sa. nana i vé kas anou èk ib tiktak kalkilé dopi lontan, nou lé ankor fèb po linstan.

Antouka anou rényoné anou moun nou koné nou lé pa plis nou lé pa mwin, in moun i vyin isi ma di ali konm di Dédé Lansor ariv aou gran kér parkont kri "napwin pérsone avan-n rantré" na dmoun i rès isi obli pa. Nou lé Fransé nou lé an Frans wi, listwar la fé sa. Pran konsyans. Rényoné na in problinm èk li minm èk tout mélanz néna dan son kor li siport pa li, li siport pa son frér larényon èk son son frér péi koté li la minm. (tosyon pa tout rényoné rozman)
Akoz sa na in ta zafér li bord

Po mwin in moun lé in moun. nwar blan zonn rouz vér blé tousak ou vé li lé in moun. Pran konsyans mon listwar l'aminn amwin térla. mwin lé pa fransé mwin lé pa afrikin mwin lé pa malgas mwin lé pa indyin. Nout tout lé rényoné, rényoné lé in pé d-tout. kan nou nora rouv anou ladsi nou va giny fann la pé lamour, désoun la inn la gér, po in domin san laryaz

narvisa

Dyanpar


www.creole.org