Forum Créole !


Re: Re: le favoritisme lé present dan nout péi
De : Chantal
Email :
Pays : la frans
Date : 1 May 2005


Dyanpar, lès a moin di a ou tou dabor in gran mèrsi. mèrsi, parse ke moin té pans pa ke mi alé avoir in répons à mon messaz.

Moin lé bien, é lé vré ke dépi ke mi lé en Frans, dan gran péi, ou in camion kann la poin kom i diré Jardinot, moin la vi ke ici bana i koné pa "goyav la frans", "grenadine de frans", ousa tou sa i sort ? zordi, nou koné nout listoir, nou koné ke nou Réinionais, nout zancèt africains, malbars la form nout péi. Nout ti péi lè in lexemple pou limanité. Nout tout i viv en frèr, ke nou lé noir, pat zaune, sinois, nout tout lé Réinionnais, alors akoz dé foi na domoun i oubli & i préfèr fé favoritisme !! souvan, ban moun i fé favoritisme la zamé pran lavion, zot la zamé viv lot koté la mèr. Parce ke lo zour ou zot va viv lot koté la mèr é ke zot va oir koman domoun i trèt a zot ici zot va pèt ète changé. Mi di pa ke tout moun lé pareil, mé oté kréol, viv nout kiltir, mont ke nou lé fier dète kréol réinionnais mé fé pa komm domoun l'èrope. Viv nout tout en frèr komm momon ek papa la apren a nou, arèt fé kroir ke nou préfèr intel olié d'intel. Nout tout na mème san i koul dan nout vène.

Nout ti péi, lé telman gran dan lo monde. Oui, nout péi lé gran, parce ke nout tout la konèt viv en armoni. Alors, oté, mèt so lambians éropéen dé koté é reviv en frèr, en frèr la réinion.

Nout ti nasyon lé in lexemple pou lo monde entiè...

La Réinion : son nom mèm i vé tout dir..

Nar vu sa


www.creole.org