Forum Créole !


Re: le favoritisme lé present dan nout péi
De : Dyanpar
Email :
Pays : Larényon
Date : 1 May 2005


Koman i lé Chantal mi di arpa ou lé pa vré. pars lé vré minm. m po tout lé konma.
Mwin la fine tonm si dmoun i profér fé pas moun déor avan ké ou minm. kinm ou l'ariv avan, dann in boutik parézanp, va fé pas lot avan ou. mé la lo mo ou la ansérvi lé bon "favoritisme". pars la sé pa la fot lo moun déor sé byin lo moun anndan sétadir anou kréol na in problèm.
in not lègzanp mwin la fine antann moun isi minm dir vo myé lwé zot kaz kréol lwé zot kaz zorèy. akoz sa? amwin sé la kèstyon mi poz amwin akoz?
i fo nou réponn kèstyon la po konprann.

lot kou la kozé osi Proférans rézyonal.

La Frans gras par son listwar kolonizatér té blan sivilizé i giny viv i giny byin kozé. sa té son soubasman kolonizasyon. Apartir d la li navé in dovwar désovaz mouné (civilisé humanisé) bann pèp kolonizé. Donk sa i mark anou ziska zordi; sak nou apèl la gouyav dé Frans tou sak i sort laba lé méyér na plis lo gou dawar. donk rényoné kan in moun la Frans i vyin lé pli for k li mé po li li lé méyér. lé plis gabyé i koné tout. avan té pir konméla i sanz. mé i fo nou tizann sa, sa lé konm in maladi. nou lé malad dan nout kokodtèt. noré in tralé zègzanp po doné ousa ou wa na in nafér lé bizar i va pa.

mé bon astér po tout lé konma.

lé tris war out prop frérdras fé aou d-zafér konma.

narvi sa

dé fwa kat ti mo po fini : Nou lé pa plis nou lé pa mwin (po tout dan la vi tout tout tout)



www.creole.org