Forum Créole !


Re: Re: in trin poézi...
De : Dyanpar
Email :
Pays : larényon
Date : 20 Apr 2005


mi rouv somin alor

Akisa lotér
si lontan
lèsklavaz té for larényon
akisa lotér
si zordi lèsklavaz nankor larényon
kolonyalis fransé lotér
kapitalis fransé lotér

Simandèf zélindor
zot martir nou pa obliyé
lo san la fine koulé
pèp rényoné
rèv la libérté

tranpirasyon i koul
komandér dan lonbraz pyédbwa
kaf la pyos ral son gongon
blan-la kont son larzan

lékol télé radyo
koton mai fransé
i rap nout sérvo
po fé obli nout pasé
po fé obli kisa nou lé

afors tir dolo
kalbas la mizér wa pèt an morso
sodron lasistans la po débordé
ziskakan nou po siporté

Dédé lansor Akisa Lotér


www.creole.org