Forum Créole !


Re: Kiproko Kolonial
De : Dyanpar
Email :
Pays : larényon
Date : 18 Apr 2005


sak dalon vanzér Maronér i di lé vré. konbyin la kouyonad la fine fé akoz akoz i vé pa prann an kont kozé lo moun vizavi d-li.
pa riyink dann trébinal kokolonyal i trouv sa. kan ou sa war doktér osi i riskab ariv la mérd.
mi ariv mi di "mwin la giny inn bordé" "mwin la giny inn sinkop" "mon pilor i fé mal" mon byèl i kony".
si li konpran pa mwin koman li va fé po gérir amwin?
li va dar mwin médikaman sra pa bon po mon kor.
ousa nou sava
kansa va prann an kont na in lang i viv dann dann koloni nasyon drwa domoun?

mi koné minm pa kosa i fo fé?

nou lé konm in pèp i kasyèt konm zanimo an livérnaz

nou minm nou la ront sak ni lé, akoz nou vé sanz kozé, kisa nou vé arsanblé?

kan nou va konèt kisa? poz anou la kèstyon akoz nou vé arsanm bann-na?
kwé i fé nou la bézwin po santi anou in moun nou koz in not lang, kwé i spas dan nout kokodtèt?
amwin i fé mal amwin pars dann tan lontan lang fransé té konm lang kréol vizavi lo latin. sré tan domoun i di napwin plis inn ké lot

nartrouvé

koz lang nout monmon papa


www.creole.org