Forum Créole !


Re: akoz détrwa i vé kas lidantité malbar?
De : Dyanpar
Email :
Pays : larényon
Date : 15 Apr 2005


parlfèt mi profér ansérv lo mo malbarité ou ankor malbarsité po lantouraz kiltirèl malbar.
pokwé?
malbarité, pars i mont anou byin son kotyé èspésyal. malbar i koz kréol lé pi parèy Linn, li manz pi parèy parèy li abi pi parèy.
na d-sanzman, lé riskab po nou, ansérv lo mo Indyanité pars indyanité sé Linn malbarité sé in déviraz Lindyanité, na riyink isi na sa. i fo nou swiny ali, nou aroz ali nou fé in kont sanm li.
lé parèy po tout dan nout lantouraz rényoné, po lo maloya lo sérvis kabaré lé pi parèy sérvis sépa lafrik madégaskar laba, parèy po lo bann zinstriman.
donk la ankor lo mo Indyanité sé armont la sours, sé pirz lo malbarité tout son koté rényoné (dawar lé mové, lé batar osi somanké).
lé fini lo tan-la dir "ras pir san" "ras san pour san".
pran konfyans é mèt an lér sak nout zansèt la fé kan l'ariv isi.
apèl in grin pistas, pistas pa "cacahuete" kan nou koz kréol.
apèl in "chat" lo sat ouswa lo mimit kan nou lé kréol, sa lé pa makot i fo nou konpran sa lé in zarlor, konprann anou sé konpran lézot, rouv anou si nou-minm sé rouv anou si déor.
pars souvandéfwa mi antann konma lang kréol i sérv pa aryin vomyé aprann fransé
pars i fo nou rouv anou si lo Monn.
Nou lé minm pa rouvér si nou, i vé nou rouv anou si déor alork nou koné minm pa nou
konm di Danyèl Waro dann son lalbom Bwarouz èk Bébér "ta po rod in karo ta fine obli lo pyé"
rouv anou wi i fo, mé agard anou an promyé pars sinon nou sa pérd anou, nou konèt arpi ousa nou sort kisa nou lé.
apartir-d-sa pran konsyans, mèt anlér nout rényonèzté èk tout son bann kotpar lé fénésans ali.
pars armont la sours nou pé armont ziska Adam èk Eve é apré ousa nou v'alé. na artourn zinsèk.
Domoun i avans dan lo tan èk son lantouraz kiltirèl. sa la pa nou la fé, sa gramoun lontan la fé.

Pran konsyans nout kalité, nout sak-nou-lé, nout sak-nou-fé, nout sak-nou-vé


www.creole.org