Forum Créole !


akoz détrwa i vé kas lidantité malbar?
De : Dyanpar
Email :
Pays : larényon
Date : 15 Apr 2005


la mi wa partou lé ékri "semaine de l'indianité", si noré té "somin Linn" noré pa déranz amwin mé sominn lindyanité i trakas amwin.
bann-na i vé fé tout po kas lidantité malbar, akoz?
Malbar l'aport son kotpar isi son rogay son kari son rolizyon son manir viv. li la mèt la min po donn nésans larényon.
na in lidantité la po mèt an plas ti dousman pars nou na ankor in tralé ladilafé dan nout tèt si bann malbar, malbar lé sési lé séla.
somansa tansyon siman rényonèzté i pran byin bann i profér bèz kout mas toutswit dédan. pyédbwa-la la batay po pran dan inn tér ousa la vi lèsklavaz langazis.
mé ti lanp ti lanp li la rasiné.
tansyon rényoné i pran konsyans nou na in lidantité ansanm, i pran konfyans sak nou lé. détrwa i profér kas va vit.
di lo moun armont la ravine po trouv la sours, sétadir désoun sak domoun lé fé isi.
la dérnyé tan-la bann-na i mèt an lér malbar sirtou Sint-André, pa étonan nou na in gran misyé laba konm mér.
zot i pous domoun argard riyink Linn.
mwin lé dakor i fo nou koné ousa nou sort kisa la ni isi. mé kan bann-na l'ariv isi
bann-na la soufér, la démérd azot po fé viv zot krwayans. bann-na la malbariz anou mé zot la kréoliz azot osi zot la koz kréol ékonsor
na in lésanz dan lé dé koté.
sé sa mi pans bann-na la pér ké rényoné i di avan tout zafér mwin lé rényoné, mwin lé yab mé mwin lé rényoné mwin lé kaf mé mwin lé rényoné mwin lé komor mé mwin lé rényoné.
i pran konsyans nout tout lé si la minm tér nout tout lé ansanm i fo ni mèt ansanm.

donk po fini èk sa ma dir bann malbar larényon bonané é bon sominn la malbarité

nartrouvé


www.creole.org