Forum Créole !


Koloni bon tan lé ziska argrétan
De : Dyanpar
Email :
Pays : larényon
Date : 13 Apr 2005


lé admandé si i fodré pa artourn dann tan lontan dann kan boukan.
lanzougaz zèsklav bèf moka détrwa, lo fér dann né lé admandé si té pa méyér.
Férkwé labolisyon lèsklavaz té sitantèlman an nik, gayar, gadyanm, kalou, kalou, kaloupilé kalou pilé, pilé krazé lo kor bwa débinn sou la inn mésansri sabouk komandér komandaz nout Momon patri nout Maryann dann do kout mark fér rouz dofé flér d lis si la po. lé argrétan ziska.
lé argrétan ziska na pi la mès po tir nout bébèt dann koko po tir anou dan nou-minm po démoun anou po dénom anou, la di sa bann gran nasyon gabyé zoli bous zoli né zoli sévé la po koulér dolé lansovaz bann kaf sèt po na minm pi la po tèlman lo kou nérdbèf l'aras zot po ziska lo san. lé ziska argrétan.
solèy lévan ziska solèy kousan plant kann koup kann po sik kafé grokolon sou son varang dann mékontantman maron lé o vavang. lé argrétan té mi argrèt lo tan
lé argrétan bon tan kolonyalis fransé noré d gou artourn bat in karé.

anon zordi aprann tousa marmay lékol la frans dir bann-na si zot lé la sé gras par nou, di mérsi monmon patri si zordi mwin lé in moun aou minm la moun amwin apré tousa dékafrizaz démalgasizaz démalbarizaz, détoutaz fransisaz.
kontinyé anvoy mantilié kolonyal dovan, pérd pa lélan.




www.creole.org