Forum Créole !


Re: La Frans abizèr ,dominatèr i kontinyé touf anou .
De :
Email :
Pays :
Date : 13 Mar 2005


po mèt ansanm dann lantouraz po mèt anlér nout kiltir, mwin lé paré po tyinbo ansanm dann ninportékèl mouvman po défann nout "sak-ni-vé, ni fé, ni lé".

La Frans dan blan kér nwar i kontinyé roul anou kari sou dri. déyér son zoli drapo son Libérté-Egalité-Fraternité li bèz nout gèl byin konmkifo.
li fout minm pa kab rèspèk sak li di.
li rèspèk pa drwa bann pèp annawar in lang lé pa fransé.
isi si la tér riyink bann lang gro zabo na l'drwa viv, bann lang kolonyalis "Fransé Anglé Lèspanyol ékonsor" ou bann lang bann péi i pran la plas dan lo Monn.

Lé osi asé fatig anou "aprann kréol lékol po myé aprann fransé" nou n'asé fé valé po la Frans, tan Madanm Débasin la pokor fini kwé?

akozkwé désértin moun i vé pa antann kozé Lidantité kréol pou souvandéfwa minm listwar, pars si rényoné i pran konfyans son listwar li riskab rouvér gran son zyé, é si par malér (po bann-na) l'arivé, détrwa zot ki va moun pwav, mayi, kann, ziska bat kart, pars zot wa war la Frans la pa tir anou dann riyin li pa in sovér konm i yinm fé krwar anou. li pa in désovazér.

La Frans péi drwa domoun okilé mi wa pa li.


tyinbo ansanm



www.creole.org