Forum Créole !


Location toutrisk
De : Madame Loutou
Email : DATE: 25 Aout 2000
Pays : Rouv' oute poche
Date : 25 Aug 2000


Mes chers amis!
Gard koman mi aim a zot, mi pren mon tan de loisir pou aid a zot trouv un joli place ousa pou viv dan mon ti lile paradi. Mi offre a zot la chance de nir reste dan mon ti case la tole. Le luxe le asure. Le decor le tropical: file bib un peu partou, caca rat dan cuisin, la pousiere le la pou chatouile oute ti ne. Kan la plui i tomb, ou nena le privilege d'avoir de lo bio sans javel!
La terasse ouh! se tune merveil. Nena toujour de troi chien avek la gal pou asise devan la porte. Parfoi osi nena canard, poule pou chie. Le jardin le panoramic. chiendan, pissenli i pousse un peu partou, i donn in air sauvage kom dantan Adam et Eve. la toufe de zerb sec kan i melange avek la tere i sort in lodere exotic. Pou ce ki concern la vue, le terrific! dan l'apre midi ou voi gramoun pou soulag a li.
Bon, maintenan alon cose zaffaire serie. Mi lou mon ti case pa tro cher 10000 franc par journe. mi gagn fer in ti pri pou la semain: 79999,99 franc seulement.
Dabitud mi charg mes clients un ti 50% de plus a cose i fau mi utilise stylo, papier, et pui te le fatigan pren largen domoune. Mon ker i dans sega kan mi trap se billets dan me mains. Me kom la nena promotion mi fe a zot 45% au lieu de 50%. Pa mal, non?
Si zot le interese, contact a moin. Zot le la bienvenu a la reunion, ile des merveilles, tropicale et exotique!


www.creole.org