Forum Créole !


KABAR FANM PARIS 18ème
De : Kabar Fanm
Email :
Pays :
Date : 13 Feb 2008



SAMDI 8 MARS 2008
15 h 30 – 19 h 00 à LA MAISON VERTE
127-129 rue Marcadet 18ème Paris
Métro : Lamarck ou Jules Joffrin

Kolektif Sort Dovan lé in bann dalone i sobat kont kolonialism,rasism épi sexism. Lo Kolèktif la organiz in fètkaf la bien pasé dèrnié kou. La nou propoz bann fanm in kabar rant nou solman. Pars konm la bézoin artrouv anou rant réyoné po fètkaf , bann fanm la bézoin artrouv azot tèlkèl po gingn détak zot lang si lo mizèr,limiliasion,lo zinégalité lékip bann boug la i fé pas anou kisoi la kaz, dann somin, lékol, dann travay…


Kozé : Fanm dan tan lèsklavaz, dann rézistans maron.
Bann lit bann fanm dan nout péi la Rénion épi dan limigrasion.
Kisa bann fanm i di « la tèt pa bon », « pitin »… ?
Kèl sitiasion zordi po bann fanm la Rénion ?
Bann fanm i shap lou may la Rénion.
Koman nou pé agard pli loin ?

Maloya : Kan nou lé té ti ,bana di konmsa « fanm i zoué pa roulèr, i rès la kaz po fé kui manzé »…Zordi nou pran la kolèr : alon ras nout libèrté !
Alon kraz in maloya rant bann fanm -san boug po gard anou dansé, fé la poupèt po zot ! Nou gingn bat roulèr,bob sonn kavia. Maloya lé in soin po nou kan nou dans,nou zoué, ni shant : li doi pa rès solman dan la min bann boug. Pars nou koné la doulèr kolonialism,rasism èk sexism nou la bézoin maloya po batay.

Vien mèt ansanm !

KOLEKTIF SORT DOVAN fetkaf@orange.fr



Répondre à ce message :

Nom :
Email:
Pays :
Password (optionnel) :


Texte:




Forum Créole !